Etxe edo eraikinaren egitur(ar)en diseinua. Gero, fatxadez, orientazioaz eta beste hainbat kanpoaldeko elementuz arduratzeaz gain, bizitza errazago, erosoago eta eraginkorrago egingo diguten automatismoak diseinatu eta eraikiko ditugu.

Adibideak:

• Argi sentsoreak erabiliz kanpo argitasun mailaren eta orduaren arabera leiho-saretak igo edo jeistea edo lanparak piztu edo itzaltzea.
• Motor, botoi eta sentsoreak erabiliz ireki eta itsi daitekeen ate eta hesiak sortzea.
• Telefono mugikor batetik erregula daitezkeen argien bidez argiztatze lanparak edo semaforoak kontrolatzea.
• Argiak ez ezik, motorrak edo beste hainbat gailu telefonotik martxan jarri ahal izatea.
• Txalo baten bidez argiak pizteko sistema bat sortzea (soinu detekzioaren bidez beste hainbat baliabide sortu litezke gainera).
• Bisita sudurluzeen aurrean erreakziona dezaketen alarmak sortzea, argia, soinua, bibrazioak, mugimenduak, kamara-irudiak, etab. baliatuz
• Urrutiko aginte sistemak erabiltzea distantzia ertain eta handietatik gailu ezberdinak kontrolatu ahal izateko
• Hainbat parametroren arabera soinu edota musika ezberdinak jotzea.
• Lurzoruaren edo ingurugiroaren tenperatura eta hezetasunaren arabera ponpak aktibatzea.
• Ur-ponpak erabiliz iturri edo iturri sistema bat sortzea.
• Informazio ezberdinak LED panelak erabiliz monitorizatzea.
• Sentsore ezberdin hainbatek emandako informazioen arabera koloredun RGB LEDez osaturiko zerrendekin dekorazio elementuak sortzea.

• Etxe/eraikinaren egitura eraikiko dugu. Dorre itxurako eraikuntza bada pisu edo atal ezberdinak lotzeko orduan kontu handi izan beharko dugu.
• Kartoi, txapa edo 3D inprimaketa bidez sorturiko plastikozko elementuak erabiliz auretik diseinaturiko kanpoaldeak sortuko ditugu.
• Ondoko elementuetako zeintzuk automatizatu ditzakegun pentsatuko dugu: motorrak, ponpak, laserrak, LEDak, LED panel edo errendak, beste hainbat ‘display’ mota, soinu eragileak, burrunbagailuak, audio elementu sofistikatuagoak, urrutiko aginteak, kable, Bluetooth edo wifi bidezko komunikazioak, etab.
• Automatizazio hauetarago ondoko sentsoreez baliatuko gara: pultsadoreak; mikrofonoak; hezetasun eta tenperatura sentsoreak -badira airean erabiltzekoak, baita lurzoruan erabiltzekoak ere-; argi, bibrazio, bira, kolore eta distantzia sentsoreak; joystickak…
• Automatismook gure eraikuntzan barneratuko ditugu funtzionalitate interesgarriak eman diezazkioten.