Zer transmititu nahi dugu?: Kontatu nahi dugun istorioa aukeratzea izango da lehen pausua. Istorio pertsonala izan daiteke, edo fotograma bidezko animazioa baliatuz sortutako bat, animalia baten bizitza kontatzen duen istorio bat… Off-ahotsa erabiliz hiri bat erakusten duen bideo bate ere sor genezake edo bikoizketa lanetan zentratu gintezke.

Grabaketa eta argazkigintza: Proiekturako beharko ditugun argazki eta bideo eta soinu grabaketak egin beharko ditugu.

Protagonistas: Zer edo nor agertzen da proiektuan, eta zer dela eta? Istorioa bera aukeratzea bezain garrantzitsua da nork edo nortzuk kontatuko duten erabakitzea. Darabilzkigun elementu guztien zergatia argi izan behar dugu.

Artxibo bilaketa: Hondoan entzun beharreko musika, soinu efektuak, ahotsak, irudiak… beharko ditugu. Ahal den heinean guk geuk sortuko ditugu baina sarean ere bilatuko ditugu.

Edizioa: Ediziorako beharrezko egingo zaizkigun audio-, bideo- eta irudi-softwareak erabiliko ditugu.

Bestelakoak: Ur-markak, errotuluak, azpi-idazkiaak, etab. garrantzia handirik gabekoak irudi dakizkigute hasiera batean, baina segituan nabaritzen dugu hor ez daudenean.

Garrantzitsua da plano egokiak, argiztapena, gure istorioko pertsonaiak, etab. aukeratzea. Erabiliko ditugun plano eta argazkiak hartu, beharrezko ahots eta soinuak -efektuak eta musika- grabatu, irudiak editatu eta bideo bat muntatuko dugu.  

Bideok zatitu eta lotzen ikasiko dugu, horrela, nahi ez ditugun grabaketak ezabatzeko edo gehitu nahi genituzkeen zati berriak eransteko aukera izanik. Soinu parametroak konfiguratzen ikasiko dugu, hondoan jarriko dugun musikaren, ahotsaren eta gainerako soinuen bolumenak ondo aukeratzearen garrantzia azpimarratuz.

Gure ordenagailu pantailan agertzen denaren bideoak eskuratzen ikasiko dugu, zoom efektuak, soinu ezberdinen mailak eta mikrofono bat badarabilgu honek eskaintzen digun kalitatea zainduz. Tutorialak egin nahi baditugu gure azalpenetara zuzenean joan beharko gara eta hauek argiak izan beharko dira. Azalpenok ikuslearen gainean zer eragin izango duten aurreikusten saiatu beharko gara eta gauzak era ulerterrazenean azaltzen ahaleginduko gara.   

Hainbat pistarekin egingo dugu lan, bideoak, soinuak, argazkiak, eketuak, errotuluak… elkarren artean konbinatuz. Hau Audacity, Camtasia Studio eta Photoshop bezalako programak erabiliz lortuko dugu. Halaber, errotulu eta ur-marken tamaina eta opakotasuna kontuan izango ditugu.

Egile eskubideak (copyright-a) zaintzearen garrantzia ere uneoro azpimarratuko dugu.

Azkenik, youtuber bilakatzeko lehen hurratsak emateko aukera izango dugu, plataforma ezagunean gure kanal propioa sortuz eta bertara gure lehen bideoa igoz.