1.- Trebezia ezberdinak garatuaraziko dizkigun hainbat proiektu/lehiaketa egingo ditugu: Irtenbide teknikoak, programazioa, estrategia eta talde lana: marra jarraitzailea, auto inteligentea, mahaiaren despejatze-garbiketa, helburu mugikor bati jarraitu eta bete betean ematea… 

2.- WRO (World Robotics Olympiad) -en erronka batzuk landuko ditugu, Batik, Borobudur, Rocket, Sputnik, Pearl Diving eta Treasure Hunt. Kasu hauetan taldeek Lego Mindstorms EV3 robot buruaski bat diseinatu, eraiki, frogatu eta programatuko dute, oztopo lasterketa bateko hainbat misio betetzeko.  

3.- VEX Robotics competition simulatuko dugu, non bikoteko lehiaketa planteatuko dugun (4 talde) 

• Robota puntuak biltzeko eta aurkariak hori lortzea ekiditeko diseinatzen da. 
• Hasieran modu buruaskian funtzionatuko du, eta gero mandoarekin, lehendik programatua betiere. 
• Objetuak (bola handiak, txikiak, zilindroak, zaku handiak, txikiak, balde hutsak…) eta ekintzak zein puntuatzeko moduak aukeratuko ditugu. 

Gure robotaren definizio eta eraikuntzan ingeniaritzako diseinu prozesua jarraituko dugu. 

• Arazoaren definizioa. Arazo edota frogaren parametroen inguruko ideia garbia izatea ezinbestekoa da. Helburuen zerrenda bat egitea eta garrantziaren arabera sailkatzea. Kasu askotan robotak ezingo du eskatzen zaion guztia bete. Ez dago dena beti ondo egiterik. Garratzizkoa da priorizatuz diseinatzea, ahalik eta funtzio gehienak bete ahal ditzan eta haietako batzu ahal bezain ondo bete ditzan. 
• Informazio bilaketa (ikerketa). Arazo berdinarentzat irtenbide ezberdinak ikertzea. Funtzionatu beharko dueneko ingurua ikuskatzea. Proiektuaren mugatzeak arretaz aztertu. Eraikuntzarako neurri espezifikoak kontuan izan.  
• Ideia-ekaitza. Taldean egin beharrekoa da. Ikuspegi anitzak, hurbilketak, proposamenak eta planteaturiko arazorako irtenbideak proposatzen dira, hasiera batean sakonago aztertu gabe. Kopuru dexente bat edukita ideien sailkapenarekin has gaitezke. Osotasunean zein zatietan jarri behar da arreta. Kasu onena balizko hiru diseinutara iristea da. Baditugu piezak aipaturiko diseinua eraikitzeko? Piezen kopurua txikitu daiteke? 

• Diseinu eta prototipoa. Diseinuaren fasea da ziurrenik prozesu osoko erronka handiena. Lehen pausoa paper gaineko zirriborro bat marraztea da. Honek gure sormena estimulatzen eta garatzen du. Mundu errealean baliagarri izango den ala ez jakiteko prototipo bat eraikitzea litzateke eraginkorrena. Kostea, iraupena, eraikitze zailtasuna, estetika eta diseinuko kriterioak betetzen dituen epaitu behar dira. 
• Birdiseinua. Prozesu errepikakorra, hipotesi eta froga-akatsaren bidez produktuaren gainean, irtenbide egokiena topatu arte.