Lehenik aurrerago erabiliko ditugun Lego Teknikoko piezetara ohituko gara. Egiturekin trebatuko gara lehenik (barrak, ardatzak, korapilo motak, konexioak, euste puntuak eta artikulazioak), baita transmisioekin ere (poleak, palankak, hortzdun gurpilak, pinioi-kremallera, torloju amaigabea, lebak, rotulak, motelgailuak…). 

Guzti hori erronka ezberdinak proposatuz egingo dugu (batzuetan lehiaketa modura). Ibilgailuarena da adibide klasikoa: zuzen joan behar du eta azkarra izan behar du. Ez da dirudien bezain erraza. Bariante bat aldapa maldatsuak igo ahal ditzan moldatzea da. Norabidea aldatzeko (bihurguneak emateko) gai diren ibilgailuekin zein martxak dituztenekin konplikatzen dugu azkenik ariketa. 

Jarraian bete betean jarriko gara lanean robotekin. Adibideak ugariak dira: Kuboak jasotzen dituena, gyroboy, kolore hautatzailea, txakurra, garabia hainbat, noriak, tank bot, snap, eskilara ibilgailua, elefantea, spinner fabrika, tracker, gripper, sugea, armiarma, gizaki-antzekoa. 

Programa grafiko eta intuitiboa da, hortaz denbora gutxian sentsoreak menderatzeko eta motorrek jasoriko informazioaren arabera jokatuarazteko gai izango gara. Guzti hau bukle eta desbideratzeak erabiliz (erabakiak hartzeko). 

Lan taldeek modu erabilgarri eta osagarrietan egingo dute lan. Onena bien arteko nahasketa litzateke, baina lan taldeak du azken hitza. 

Robotak kopiatu, eraldatu eta birprogramatuz. Kopiatzean ez du esan nahi erraza denik, badu bere zailtasuna, plano zein argibideak ulertzen jakin behar bait da. Egitura zein mekanismo konplexuagoak garatzea dakar, hartara euren atzeko kontzeptu fisiko-matematikoak azalduz. Hainbat eraldaketa zein moldaketa egitea garrantzitsua da, sentsoreen funtzionamendua eta programazoaren logika ulertu ahal izateko. 

Zerotik asmatuaz. Ez da seguruenik kopiaturikoa bezain polita geratuko, baina: 

• gaztetxoek sormena modu berezian garatzeko aukera izango dute. 
• Ideia harrigarriak izan ohi dituzte. Askotan eurek bakarrik praktikara eraman ahal izango dituztenak. 
• Euren ideak tarteka ero xamarrak iruditzen zaizkigu monitoreoi, baina tentuz eta isilik ibiltzen gara, eta gure laguntzarekin (pieza eta kontzeptuetan arituagoak gara) euren hasierako ideia garatu eta funtziona arazi dezakete.