UNITY-rekin sortutako bideojoko tailerren 1. Edizioa

Zergatik Unity? Dudarik gabe aparteko 2D/3D motorra da Unity, merkatuan direnen artean hoberenetarikoa, joko sortzaile independiente eta enpresa txikiek behar zuten softwarea arrazoizko prezioan lortzeko aukera urritasunaren aurrean sortu zena. 

GooBall jokoaren sortzaileek proiektuaren garapenean esfortzu handia egin bazuten ere jokoak ez zuen espero zuen arrakasta izan. Hala ere, amore eman beharrean, sortutako motor fisiko eta funtzionalitateak aprobetxatzea eta proiektua norabide horretan zabaltzea erabaki zuten. Horrela jaio zen Unity, 2005eko Apple-en Munduko Garatzaileen Biltzarrean. Bertan motor fisikoa eta gainerako tresnak garatzen jarraitzeko adina arrakasta lortu zuen.

2010ean ordura arte estudio handiek baino eskuragai ez zituzten hainbat tresna barne zituen Unity 3 abian jarri zen. Hau honela, garatzaile handien arreta jasotzen hasi zen.

Gaur egun Unity 5-ek 22 plataformatarako sortzaile diren 4,5 milioi garatzaile erregistratu ditu eta motor fisiko erabiliena da, banaketaren %45 metatzen duela.

Informazio gehiago unity3d. Murgildu gurekin aparteko norbanako-garapen proiektu honetan.